Mikel Arteta beson se Granit Xhaka do të qëndrojë në Arsenal edhe pas afatit kalimtar të janarit, me gjithë thashethemet e shumta se mesfushori shqiptar do t’i bashkohet Hertha Berlinit në ditët në vijim.

Muajt e fundit është pritur shumë që Xhaka ta braktisë Arsenalin në janar apo në fund të këtij sezoni, pasi i prishi marrëdhëniet me tifozët e klubit në fillim të sezonit.

Menaxheri i tij, Jose Noruguera, ka konfirmuar se tashmë është arritur një marrëveshje mes Xhakës dhe Hertha Berlinit dhe se i mbetet klubeve të pajtohen për transferimin e lojtarit.

Por, trajneri i ri i Arsenalit, Mikel Arteta, nuk është i sigurt për këtë. Ai mendon se 27-vjeçari nga Kosova do të mbetet në Emirates.

“Mendoj se ai do të qëndrojë”, tha Arteta për gazetarët, pas fitores së Arsenalit 2:0 kundër Manchester United, në një takim ku përfaqësuesi i Zvicrës luajti shumë mirë të mërkurën mbrëma.

“Ai është shumë i mirë. Mua më pëlqen ai vërtet shumë. Duke e parë mënyrën  sesi duam të luajmë, do ta bëjmë atë të qëndrojë, sepse ai mund të jetë lojtar shumë i madh për këtë klub”, shtoi Arteta.

I pyetur nëse Xhaka i ka dhënë garanci për të ardhmen e tij, Arteta ngurroi për buzëqeshi duke u përgjigjur: “Po, më ka dhënë, po.”