Milani është vënën në ndjekje të mesfushorit të RB Salzburgut, Dominik Szoboszlai. Mediat italiane bëjnë të ditur se “rossonerët” janë të gatshëm ta paguajnë klauzolën e lirimit të hungarezit, e që është 25 milionë euro.

Milani tash e disa muaj është duke e kërkuar 20-vjeçarin që vazhdon të impresionojë me paraqitje te ekipi austriak.

Mesfushori i majtë ka kontribuuar me gjashtë asistime dhe një gol në shtatë ndeshje të Bundesligës së Austrisë, derisa ka luajtur në 10 ndeshje me Hungarinë.

Szoboszlai, i cili kaloi te Salzburgu nga FC Liefering në janar të vitit 2018, mund të largohet nga ekipi për 25 milionë euro, aq sa është klauzola e lirimit të tij.

“La Gazzetta dello Sport” shkruan se Milani synon ta transferojë atë në “San Siro” në vitin 2021.