Milani thuhet se po konsideron një lëvizje të mundshme për mesfushorin norvegjez Kristian Thorstvedt, i cili zëvendësoi Sander Berge në KRC Genk vitin e kaluar.

22-vjeçari u transferua në Genk nga Viking FK në janar të vitit 2020 dhe që atëherë ka bërë përshtypje pozitive në Belgjikë.

Djali i ish-portierit të Tottenham Hotspur, Erik Thorstvedt, ka luajtur 24 herë në Jupiler Pro League këtë sezon dhe Tuttomercatoweb pretendon se Rossonerët kanë shprehur interes për të riun në ditët e fundit.

Milani thuhet se po kërkon një mesfushor të ri për të bërë konkurrencë për Franck Kessie, Ismael Bennacer dhe Sandro Tonali.

Kuqezinjtë kanë identifikuar Thorstvedt si një nënshkrim të mundshëm për shkak të fizikut dhe aftësive të tij teknike dhe Genk e vlerëson lojtarin midis 12 dhe 15 milionë eurosh.

Por, raporti pretendon se ka interes edhe nga Anglia dhe Milani do të duhet të luftojë për nënshkrimin e tij.