Një tifoz i Benficas lëshoi një objekt të ngjashëm me një shkop në drejtim të Luis Diaz pasi ai shënoi për Liverpoolin në ndeshjen e tyre të parë çerekfinale të Ligës së Kampionëve.
Diaz u sulmua në mënyrë tronditëse nga një tifoz vendas i Benficas pasi shënoi golin e tretë të skuadrës së tij në ndeshjen e tyre të parë çerekfinale të martën.
Naby Keita dha një asistim të shkëlqyeshëm për kolumbianin, i cili dribloi portierin përpara se të shënonte në portën e zbrazët për të bërë rezultatin 3-1.
Ai shkoi në festë drejt tifozëve të Benficas, duke festuar me pasion golin e tij të parë në Ligën e Kampionëve për Liverpoolin.
Por, ndërsa ua ktheu shpinën mbështetësve të shtëpisë, një tifoz hodhi një shkop në drejtim të tij, shkop i cili dukej se goditi Keitan, i cili u bashkua me festimet.
Andy Robertson foli për BT Sport pas fitores në Lisbonë dhe përshëndeti paraqitjen e Diaz duke prekur incidentin e turpshëm.
“Më hodhën disa çakmakë gjatë goditjes së këndit, mbase kjo do t’i ndalojë ata të pinë duhan! Por, duhet të përpiqeni të mos i hidhni gjërat në fushë sepse mund të dëmtojë njerëzit. Për fat të mirë asnjë nuk më goditi”.
“Goli i Luis ishte me të vërtetë i rëndësishëm për ne – ishte masiv për të na dhënë atë rehati. Shpresojmë se ne mund ta kryejmë punën javën e ardhshme”.
“Diaz mori një pritje të pakëndshme që në fillim, duke luajtur për një nga rivalët e tyre, por ishte një gol i mirë për të dhe një epërsi me dy gola bën diferencën. Shpresojmë, ne mund ta kryejmë punën”, ka thënë Robertson.
Skuadra e Jurgen Klopp ka dy gola epërsi në ndeshjen e kthimit e cila zhvillohet në Anfield të mërkurën e ardhshme.
Video
Video
Video
Video
Video
