Alvaro Morata është lënë jashtë skuadrës së Juventusit për ndeshjen e mbrëmjes së sotme kundër Udineses në Serie A.
Juve e bëri publike skuadrën që trajneri Andrea Pirlo do ta ketë në dispozicion për ndeshjen e parë të vitit 2021, transmeton Gazeta Express.
Dhe pjesë e saj nuk është sulmuesi spanjoll Alvaro Morata.
Bardhezinjtë kanë njoftuar se ish-sulmuesi i Atletico Madridit është lënë jashtë listës për shkak të një problemi muskulor në kofshën e djathtë.
Ai e dëmtoi muskulin gjatë një ndeshjeje stërvitore të shtunën.
Në mungesë të tij, Paulo Dybala pritet të luajë përkrah Cristiano Ronaldos.