Pas një sërë disfatash, Cleveland rikthehet te fitorja. Skuadra nga Ohio, që deri në këtë moment është skuadra më e dobët në NBA, mundi Charlotte 113-89 dhe tani ka një bilanc me 2 fitore dhe 11 humbje.

Ai që dha një kontribut të rëndësishëm në këtë sukses të Cavaliers ishin Sexton dhe Hood me 16 pikë secili, por protagonisti absolut u bë Clarkson autor i 24 pikëve. Në krahun tjetër, për Charlotte Walker u bë protagonist në aspektin negativ duke e mbyllur ndeshjen me vetëm 7 pikë të shënuara
Denver duket se e ka humbur magjinë e tij, përcjell TCH.

Skuadra e Nuggets humbi ndaj Houstonin 99-109 duke regjistruar disfatën e 5 sezonale. James Harden me 22 pikë, Capela me 24 dhe Chris Paul ishin ata që drejtuan skuadrën e Houstonit drejt kësaj fitoreje. për Denver që gjithsesi tregoi karakter gjatë kësaj sfide, u dalluan Jokic me 14 pikë, Morris me 19 dhe Murray e Harris me 15 pikë.

Golden State e la menjëherë pas humbjen e pësuar në derbin kalifornian ndaj Los Angeles Clippers. skuadra kampione në fuqi e NBA mundi Atlantën 110-103 në një ndeshje pas Stephen Curry dhe Draymond Green me këtë të fundit që u la jashtë ekipi pas një zënke me Durant në sfidën me Clippers. Me këto mungesa, rolin e liderit të Warriors e morën Klay Thompson me 24 pikë dhe Kevin Durant me 29 pikë. Mjaft mirë u paraqit edhe Cook me 18 pikë.