Ndahet nga jeta Arben Laze, presidenti i klubit futbollistik të Elbasanit

Prishtinë | 06 Jan 2022 | 15:26 | Nga Ekonomia Online

Një lajm shumë i trishtë ka ardhur për komunitetin e sportit në Shqipëri, teksa në orët e vona të mërkurës është ndarë nga jeta në moshën 53-vjeçare presidenti i klubit të Elbasanit, Arben Laze.

Ky i fundit prej disa ditësh ishte në gjendje të rënduar si pasojë e problemeve kardiake dhe për fatin e keq në fund nuk ia ka dalë të fitojë betejën me jetën.

Me president Lazen, Elbasani përjetoi edhe një gëzim të madh teksa në sezonin 2005-2006 ata festuan titullin e dytë në histori, teksa në krye të ekipit ishte trajner Ilir Daja.

Por, tashmë një pjesë e rëndësishme e historisë së verdhebluve nuk është më, megjithatë Laze gjithnjë do të kujtohet për kontributin e tij për Elbasanin si dhe për sportin në Shqipëri.

Fjalë Kryesore:

Të ngjashme