Nëna e sulmuesit të Manchester Unitedit, Zlatan Ibrahimovic është shqiptare, sipas një biografie të yllit suedez të publikuar nga ish klubi i tij, Paris Saint-Germain.
“Ibrahimovic lindi në vitin 1981 në Malmo të Suedisë. Ai është i biri i Shefik Ibrahimoviçit, i cili është me prejardhje nga Bosnja dhe Hercegovina, dhe i nënës kroate/shqiptare, Jurka Gravic, e cila është lindur në rrethinën e Zaras (Zadar)”, shkruan në biografinë e Ibrahimovicit, të publikuar nga kampioni i Ligue 1.
Babai dhe nëna e Zlatanit kishin emigruar në Suedi, ku edhe ishin njoftuar para se të martoheshin.
Kurse, Ibra hapat e parë të karrierës i kishte marrë te skuadra e FC Rosengard dhe FBK Balkan.
Më pas, ai iu bashkua ekipit të madh suedez, Malmo, ku qëndroi deri në vitin 2001.