Marcos Alonso pritet të jetë ndër lojtarët e parë që do të largohet këtë verë nga Chelsea.

Mbrojtësi spanjoll e ka humbur vendin e titullarit dhe ka kërkuar largimin nga klubi londinez.

Trajneri Frank Lampard nuk llogarit në shërbimet e tij, teksa për këtë pozitë synohet transferimi i njërit mes Ben Chilwell ose Nicolas Tagliaficios.

Spanjolli mund të mbetet përsëri në Ligën Premier, pasi Newcastle United po mendon ta transferojë atë gjatë afatit kalimtar veror.

‘Laraskat’ pritet të bëhen me pronar të rinj, ndërsa Alonso me përvojën e tij mund t’i ndihmojë shumë për edicionin e ri.

The Sun raporton se klubi anglez është gati të shpenzojë deri në 25 milionë euro për transferimin e Alonsos në ST James Park.

Vlen të theksohet se në garë për reprezentuesin spanjoll janë edhe dy skuadrat e mëdha Inter dhe Atletico Madrid.