Newcastle siguron Sissokon

Prishtinë | 30 Tet 2019 | 12:42 | Nga Ekonomia Online

Mesfushori Ibrahima Sissoko do të jetë përforcimi i parë i Newcastles në afatin kalimtar të janarit.

Mediumet angleze kanë njoftuar të mërkurën se Newcastle ka arritur marrëveshje me skuadrën e Strasbourgut për transferimin e Sissokos, transmeton Koha Ditore.

Për kartonin e 21-vjeçarit, Newcastle do të paguajë 15 milionë euro dëmshpërblim derisa Sissoko do të firmos kontratë deri në verën e vitit 2025.

Sissoko te Newcastle shihet si përforcim i duhur dhe është kërkuar me ngulm nga trajneri Steve Bruce.

Ai këtë edicion ka regjistruar 13 paraqitje te Strasbourgu në të gjitha garat kurse këtij ekipi i është bashkuar vitin e shkuar nga Bresti për dy milionë euro.

Të ngjashme