Neymar: Nuk më bën fare për Topin e Artë

Prishtinë | 28 Pri 2021 | 09:14 | Nga Ekonomia Online

Neymar ka këmbëngulur se ka kohë të gjatë që nuk e çan kokën për trofe individualë, përfshirë atë kryesor: Topin e Artë, duke shtuar se përqendrimi i vetëm i tij është fitimi i trofeve ekiporë me Paris Saint-Germain.

PSG-ja do të përballet me Manchester Cityn sonte në gjysmëfinalen e parë të Ligës së Kampionëve dhe Neymar mbetet i përkushtuar ta arrijë finalen e dytë radhazi me gjigantin francez.

Megjithëse ka pasur sugjerime vazhdimisht se motivimi kryesor i Neymarit është ta fitojë Topin e Artë, sulmuesi brazilian i hedh poshtë këto sugjerime.

Neymar, i cili është buzë vazhdimit të kontratës me PSG-në, tha: “Jam shumë i lumtur me sezonin që po e kaloj në PSG. Mua nuk më bën për Topin e Artë, është diçka për të cilin nuk mendoj”.

“Ka kohë të gjatë që nuk mendoj më për të. Nuk më bën vërtet. Dua ta fitoj Ligën e Kampionëve, sepse kjo e bën dallimin në jetën dhe karrierën time”, shtoi ai.

Të ngjashme