Gazeta spanjolle AS ka vazhduar me artikujt rreth Kosovës, pavarësinë e së cilës Spanja nuk e njeh dhe që viziton Sevillan sot (e mërkurë). La Roja kthehet në La Cartuja, ku ata shkatërruan Gjermaninë, ndërsa Gerard Moreno cilësohet si risi e mundshme në formacionin titullar.

AS e nis shkrimin me fjalët se ndeshja është një “ngjarje sportive” e thjeshtë, edhe pse Spanja luan ndaj një rivali që nuk e njeh “pavarësinë e njëanshme të shpallur”.

Një takim që fsheh rreziqe të ngjashme me ndeshjet kundër Greqisë dhe Gjeorgjisë, ku Spanja u djersit shumë, e pse u përball me rival të cilët u cilësuar si jo të vështirë.

Askush nuk fiton lehtë, dhe barazimi kundër Greqisë dhe fitorja në frymën e fundit në Gjeorgji duhet të vlejë që lojtarët e Luis Enriques të vendosin këmbët në tokë edhe para se të hyn në zhveshtore dhe tunelin e stadiumit La Cartuja.

Gazeta AS vë në dukje gjithashtu se ka kohë të gjatë që Spanja nuk ka fituar me goleadë dhe fitorja e fundit ishte pikërisht në stadiumin La Cartuja katër muaj më parë kur fituan kundër Gjermanisë (6-0).

Kjo ndeshje në këtë stadium thuhet se shihet si fitore për kapitenin Sergio Ramos, i cili pritet të kthehet si titullar në ditëlindjen e tij në 35-të, ndërsa gëzimi i radhës vjen për sulmuesin Gerard Moreno .

Ndërkohë, pritet që edhe Dani Olmo, një lojtar kryesor në fazën e dytë të Luis Enriques në Kombëtaren, do të jetë përsëri titullar. Në Tbilisi ai nuk ishte, por goli i tij në minutën e 92-të ia solli fitoren Spanjës, përcjell Telegrafi.

Zvicerani i Kosovës, Bernard Challandes beson se dueli me Spanjën do të shërbejë për të përshpejtuar xhirimet e ekipit të Kosovës në koncertin ndërkombëtar. Renditja e Kosovës në FIFA është në vendin e 117 (në mes Sierra Leone dhe Zelanda e Re), por kjo nuk duhet të shkojnë pa u vënë re se të mërkurën e kaluar ajo mundi Lituaninë (4-0) në një ndeshje miqësore.

“Edhe nëse jemi një ekip i vogël, do të kemi më shumë shanse për të fituar nëse kemi topin; për mua, fitorja 1-0 ose loja me kundërsulme nuk është futboll”, ka thënë Challandes. Kjo filozofi është për t’u lavdëruar, ajo e përpjekjes për të fituar vulën e futbollit të mirë për një skuadër, historia e së cilës në FIFA filloi në 2016.

Bernard Berisha ka rënë nga 11-shja kur u përjashtua me të kuq në humbjen kundër Suedisë (0-3), ndërsa Amir Rrahmani është një humbje e ndjeshme në mbrojtje shkaku i lëndimit.

Vedat Muriqi i Lazios është ujku i madh në këtë skuadër plot me lojtarë që bëjnë karrierë jashtë vendit. Ashtu si ylli i Werderit Milot Rashica, mesfushori i Dijonit Bersant Celina, apo Arbër Zeneli, sulmuesi anësor i Stade Reims i cili në miqësoren kundër Lituanisë shënoi një dy-golësh.

Gazeta AS e mbyll shkrimin duke thënë se Kosova është ekip ballkanas dhe tashmë dihet se si Ballkani ka talent që godasin topin me këmbë sikurse Modric, me duar sikurse Doncic apo edhe në sporte tjera ‘waterpoli’ ku dy vende nga Ballkanit luajtën finalen e fundit olimpike.