Paris Saint-Germain ka vuajtur të premten në mbrëmje, pasi me vështirësi mori tre pikë.

Një gol në minutën 88-të nga Angel Di Maria bëri që rezultati të përmbysej në 2-1 për skuadrën franceze, duke bërë që të shpërthente festa në Parc des Princes.

Skuadra mysafire kaloi në epërsi në pjesën e parë me sulmuesin kanadez Jonathan David, duke dhënë sinjale se duan të fitojnë.

PSG nuk shfaqi rrezik në pjesë të parë, me nënshkrimin e verës, Lionel Messi që dukej krejtësisht i painteresuar si ‘nëntë i rrem’ i skuadrës.

Gjatë pjesës së parë në të cilën ai pati një paraqitje të zbehtë dhe nuk ishte ai që të gjithë e njohim dhe e duam, argjentinasi u kap nga kamerat duke e mbajtur këmbën.

Është e qartë se Messi duhet të ishte në bankinë për ndeshjen ndaj Lilles dhe të ishte futur vetëm në minutat e fundit të takimit, pasi ajo video tregon se ai ka nevojë për një pushim.

Fituesi i Kupës së Amerikës u zëvendësua nga Mauro Icardi në pjesën e parë dhe tani është në dyshim për ndeshjen vendimtare të PSG-së në Ligën e Kampionëve në udhëtim te RB Leipzig në mbrëmjen e së mërkurës së ardhshme.

Tre golat e parë të Messit për klubin francez kanë ardhur në garën më të zjarrtë në Evropë, me 34-vjeçarin që ende nuk shënuar në Ligue 1.

oh man oh man.. pic.twitter.com/gCs5cj9DBu

— J. (@MessiIizer) October 29, 2021