Futbollisti legjendar i Çekisë, Antonin Panenka, është infektuar me koronavirus dhe është në kujdes intensiv, ka raportuar ish-klubi i tij Bohemians 1905.
71-vjeçari, që njihet për realizimin e penalltisë së famshme ndaj Gjermanisë, e cila i siguroi Çekosllovakisë fitoren në Evropianin 1976, është shtruar në spital të mërkurën.
Atë kohë, penalltia që e gjuajti Panenka, ishte ndër ekzekutimet më të bukura dhe profesionale në botën e futbollit. Vet ai stil i gjuajtjes së penalltisë e mori emrin e tij.