Wenger ka dhënë disa komente për merkaton e mundshme të Barcelonës.

Ish trajneri i skuadrës së Arsenal, Arsene Wenger, ka bërë parashikimet e tij sa i përket merkatos së verës te skuadra e Barcelonës.

Zëra të shumtë e lidhin Barcelonën me emra si Lautaro Martinez e Neymar JR, dhe për një lëvizje të tillë me gjasë beson edhe Wenger.

Sipas  francezit, skuadra katalane gjithsesi se do të transferojë një tjetër sulmues gjatë afatit kalimtar të verës.

“Barcelona gjithmonë ka blerë lojtarë të mëdhenj. Personalisht, nuk jam i sigurt nëse Suarez duhet zëvendësuar”, ka thënë Wenger, transmeton lajminet.

“Ata mund të shtojnë edhe një sulmues në skuadër, sepse është e vërtetë se Suarez dhe Lionel Messi janë kontribuuesit e vetëm dhe mund të kenë nevojë për dikë që shënon gola”, shtoi ish trajneri i Arsenal.

“Akoma mendoj se Griezmann do të shënojë gola, por nuk duket krejtësisht i adaptuar, ndoshta tani do të jetë më i freskët, pasi ai është golashënues i mirë gjithashtu. Gjithsesi, jam i bindur se ata (Barca) do të blejnë edhe një sulmues”, ka thënë mes tjerash francezi.

Messi ka shënuar 24 gola këtë sezon, kurse Suarez dhe Griezmann kanë kontribuuar me nga 14 sosh – por Suarez ka 14 ndeshje më pak të luajtura.