Drejtori sportiv, Fabio Paratici thuhet se donte që Juventus të shkarkonte Andrea Pirlon, duke çuar në një debat me zëvendës-presidentin, Pavel Nedved.

Trajneri u konfirmua dje dhe do të jetë në takimin e radhës, kur Juventusi të udhëtojë te Sassuolo të mërkurën, pasi menaxherët e Bianconerëve u takuan për të diskutuar të ardhmen e strategut.

Nënpresidenti Nedved konfirmoi më vonë se Pirlo dhe Cristiano Ronaldo do të qëndrojnë në Juventus.

Raportimet e La Gazzetta dello Sport bëjnë të ditur se Paratici dhe Nedved ishin protagonistët e një diskutimi me zë të lartë në parking në Continassa.

Paraticic thuhet se sugjeroi të shkarkonte ish-mesfushorin pas humbjes 3-0 ndaj Milanit dhe duke i dhënë Igor Tudor pozicionin për pjesën e mbetur të sezonit.

Por, Nedved kishte një mendim të ndryshëm dhe thuhet se ishte i mbështetur nga drejtori i futbollit Federico Cherubini dhe i gatshëm të vazhdonte me zgjedhjen e Presidentit Andrea Agnelli për të llogaritur te Pirlo.