Pas barazimit, konfrontohen Lukaku dhe Brozovic

Prishtinë | 19 Sht 2019 | 10:29 | Nga Ekonomia Online

Romelu Lukaku dhe Marcelo Brozovic raportohet se kishin një konfrontim në dhomat e zhveshjes pas barazimit 1-1 të Interit me Slavia Pragën.

Sipas mediumit italian Gazzetta dello Sport, Lukaku akuzoi pas lojës shokët e tij të Interit se nuk treguan trimëri të mjaftueshme kundër Slavisë.

Kjo nuk është pritur mirë nga kroati Brozovic, i cili e shihte atë si një sulm indirekt dhe nuk pajtohej me kritikën e sulmuesit belg.

Gazeta thekson se lufta e fjalëve nuk u shndërrua në përleshje, por ky zbulimi vjen vetëm dy ditë para derbit me Milanin.

Megjithë barazimin e tyre në Ligën e Kampionëve, Interi ka një rekord 100 për qind pas tre ndeshjeve të para në Serie A dhe kryeson tabelën me nëntë pikë.

Të ngjashme