Sonte do të zhvillohet ndeshja ndërmjet Z Mobile Prishtina dhe ekipit italian Pallacanestro Varese, raporton Ekonomia Online.
Kjo përballje po vlerësohen e një rëndësie të madhe për ekipin prishtinas.
Në një konferencë për medie, basketbollisti i Z Mobile Prishtina, Edmond Azemi, shprehu bindjen për fitore të vendësve.
“E di që kemi një ekip përballë shumë të organizuar jemi përgatitë për këtë lojë. E dini edhe rëndësinë e kësaj loje është shumë rëndësi me fituar këtë lojë pastaj me 13 të udhëtojmë prapë për fitore. Salla ka me qenë e stërmbushur shpresoj për përkrahje të tifozëve”, tha Azemi.
Edhe për basketbollistin, Dardan Berisha, të mërkurën në mbrëmje i pret një sfidë e madhe, pasi që si kundërshtarë kanë një ekip të fortë.
“Po na pret një super ekip e mira që ka ardhë në Prishtinë një ekip me nam jemi super të motivuar e dimë rëndësinë e lojës. E kemi fituarr kupën atmosfera është shumë më e mirë pas kësaj fitore”, tha Berisha.
Ndërsa, trajneri i Z Mobile Prishtina, Damir Mulaomerovic, tha se kjo ndeshje është e rëndësie të madhe. Ai bëri të ditur se janë përgatitur maksimalisht për përballjen e sotme.
“Ne kemi një lojë të rëndësishme jemi përgatitur shumë mirë unë jam shumë i sigurt që salla do të jetë e mbushur plotë. Ju bëjë thirrje të gjithëve të vinë sepse sonte është një lojë shumë e rëndësishme. Djemtë janë gati të gjithë jeni gati për një natë basketbolli”, tha Mulaomerovic.
Ndeshja ndërmjet Z Mobile Prishtina dhe Pallacanestro Varese zhvillohet sonte nga ora 20:30 në Pallatin e Rinisë dhe Sportit.