Perez prezanton Bernabeun e ri: Do të jetë stadiumi më spektakolar në botë

Prishtinë | 02 Pri 2019 | 18:21 | Nga Ekonomia Online

Bernabeu i ri do të jetë një vepër arti dhe padiskutim stadiumi më i bukur në botë, punimet do të fillojnë gjatë kësaj vere dhe do të përfundojnë pas 42 muajsh për shkak edhe të ndalesave gjatë impenjimeve të Realit të Madridit në fushën e blertë.

Në ambjentet e klubit të Real Madrid është folur prej kohësh për një rinovim të “Santiago Bernabeut”. Pikërisht ditën e sotme, presidenti Florentino Perez, ka prezantuar me një video se si do të duket “Bernabeu” i ri.

Pamjet janë mbresëlënëse, me kohëzgjatjen e punimeve që priten të jenë të paktën 3 vite e gjysmë.

Për rikonstruksionin do të shpenzohen më shumë se 500 milionë euro. Përpara se të prezantonte videon, Perez mbajti dhe një fjalim, ku u shpreh:

“Ky është vendi që është admiruar për 117 vite. Akoma ëndërrojmë ta bëjmë Realin një ndër klubet më të admiruara në Botë. Ky klub i përket të gjithë madrilenëve dhe nuk menaxhohet për të përfituar. Në bazë të këtyre parimeve dhe vlerave kemi punuar deri më sot pa u lodhur. Ky stadium do të jetë një ikonë për klubin dhe qytetin”, përfundoi Perez.

Të ngjashme