Nën përkujdesjen e Drejtorisë së Kulturës, Rinisë dhe Sportit të Komunës së Fushë-Kosovës u mbajt Turneu i Shahut “28 Nëntori – Dita e Flamurit”.

Afër 100 shahistë nga Kosova dhe rajoni ishin pjesëmarrës të këtij turneu tashmë tradicional.

Përfaqësimi dinjitoz dhe angazhimi i shahistëve ishte vetëmohues. Klubi i shahut nga Fushë-Kosova, si nikoqir i këtij turneu, në fund të takimit shpalli edhe fituesit e këtij turneu. Fitues ishte Nuhi Jashari i cili mori çmimin kryesor, kurse kupa e medalje morën edhe fituesit nga vendi i dytë deri në vendin e pestë, sipas radhës:  Nderim Saraçi, Endrit Uruçi, Perparim Makolli dhe Bedri Sadiku. Të gjitha çmimet i ndau drejtoresha e Kulturës, Rinisë dhe Sportit znj. Nurije Avdiu, e cila edhe shpalli të përfunduar këtë turne që është njëri ndër më masivët në Republikën e Kosovës.