Barcelona dhe Manchester City zhvilluan bisedime të mëdha për shkëmbimin e disa lojtarëve në afatin kalimtar të verës së fundit.

Klubi nga Camp Nou ka pasur një verë shumë të ngarkuar, ku përfunduan me largimin e dy prej yjeve kryesore, Lionel Messi dhe Antoine Griezmann.

Megjithatë, drejtuesit e klubit ishin të interesuar të zvogëlojnë humbjen e yjeve duke sjell emra të rinj në klub.

Sipas mediumit Radio Cataluyna, presidenti i Barçës, Joan Laporta i propozoi Cityt një shkëmbim kompleks me katër lojtarë.

Laporta ishte i përgatitur të krijonte një marrëveshje që do të shihte sulmuesin Ousmane Dembele dhe mbrojtësin Ronald Araujo duke u shkëmbyer me Raheem Sterling dhe Aymeric Laporte.