Carlo Ancelotti thuhet se ka kthyer shikimin e tij në një lëvizje për mbrojtësin e krahut të Manchester United, Diogo Dalot, i cili mund të transferohet për një shifër realitivisht të ulët, pasi nuk gjendet në planet e klubit anglez.

Dalot u nënshkrua nga Jose Mourinho nga Porto në vitin 2018 për rreth 20 milionë funte.

Megjithatë, edhe pse tregoi shenja të hershme premtimi, ai nuk ka arritur të bind për të zënë një vend në krahun e djathtë të mbrojtjes dhe ai shkoi në huazim te Milani sezonin e kaluar.

As kjo lëvizje nuk funksionoi me të vërtetë, pasi ai kaloi pjesën më të madhe të sezonit si rezervë dhe tani është kthyer në United, megjithëse aktualisht po luan për Portugalinë në Euro 2020.

Tani, sipas mediumit portugez Correio da Manha, trajneri italian i Realit, Ancelotti dëshiron ta sjellë Dalotin në Santiago Bernabeu.

Los Blancos po ndiqnin 22-vjeçarin përpara se ai të transferohej nga Porto në Old Trafford, por raporti thotë se është menaxheri i tyre i ri që dëshiron të nënshkruajë mbrojtësin anësor.

Ish-trajneri i Evertonit, i cili ka zëvendësuar Zinedine Zidane pasi francezi nuk ndjeu më se kishte mbështetjen e klubit , dëshiron të ‘rinovojë’ mbrojtjen e Realit.

Sergio Ramos tashmë është larguar nga klubi dhe për momentin në skuadrën e tij ka vetëm Dani Carvajal dhe Alvaro Odriozola në krahun e djathtë.