Fabio Cannavaro përmes Instagramit, i ka thënë AS se do të donte ta shikonte Kylian Mbappen në Real Madrid.
Duke folur për tema të ndryshme, ish mbrojtësi i Los Blancos tregoi se si Mbappe do ta përmirësonte shumë skuadrën e Zinedine Zidane.
Mbappe është dëshira e madhe e Zizus dhe numrit një të Realit, Florentino Perez.
Raportohet se nëse jo këtë verë për shkak të pandemisë, atëherë vitin e ardhshëm, 2021, Reali do ta transferojë 21-vjeçarin.
“Madridi ka nevojë për një lojtar si Mbappe, i ri që mund të shkojë rrugës së Cristianos. Është normale që e duan në Madrid”, tha ai.
“Por, mos harroni, pronari i PSG-së nuk ka nevojë për para, janë ambicioz dhe e duan Champions Leaguen. E shoh të vështirë, shumë të vështirë”.
“Presidenti i PSG-së nuk është tip që nuk do të fitojë, e njoh mirë, para se ta lënë të largohet ata do të luftojnë shumë”.