Martin Odegaard do të mbetet te Real Madridi në sezonin e ri.
Mesfushori norvegjez, që shkëlqeu te Real Sociedadi sezonin e shkuar, është rikthyer në Madrid.
21-vjeçari i është bashkuar skuadrës në përgatitje për edicionin e ri.
Madje, edhe trajneri Zinedine Zidane ka pasur një bisedë me lojtarin duke i treguar se llogarit në shërbimet e tij.
Presidenti i klubit madrilen, Florentino Perez, gjithashtu ia ka bërë të ditur trajnerit Zidane se nuk do të ketë përforcime të mëdha shkaku i krizës së shkaktuar nga koronavirusi.