Shumë spekulime për të ardhmen e Cristiano Ronaldos.

Që nga eliminimi i Juventusit në Champions League, emri i portugezit është lakuar shumë në merkato.

Madje flitet se ai do të largohet këtë fund sezoni, por dilema qëndron se ku do ta vazhdojë karrierën CR7.

Sipas raportimit të “Cuatro”, Real Madrid tashmë po e mendon seriozisht rikthimin e tij në Spanjë.

Klubi spanjoll pritet t’i ofrojë bardhezinjve një çmim simbolik për 36-vjeçarin dhe nëse objektivat e tjerë që ata kanë nuk arrihen, atëherë merkato do të përqendrohet te Ronaldo.

Madje ishte vetë trajneri Zinedine Zidane si dhe disa lojtarë të Realit, të cilët nuk e përjashtuan mundësin e rikthimit të Cristianos në Madrid.

Kujtojmë që sulmuesi po përfundon sezonin e tij të tretë në Torino, ku fitoi gjithçka në futbollin italian por në Europë dështoi.