Tifozët e Manchester Unitedit mund të ndihen të zhgënjyer të shtunën, kur Cristiano Ronaldo pritet të lihen në bankën e rezervistëve për ndeshjen me Newcastle Unitedin në Old Trafford.

Ronaldo u kthye në Manchester Unitedi, pasi iu ribashkua klubi nga Juventusi më 27 gusht, por pas ndeshjeve me Portugalinë dhe vetizolimit, Ronaldos i ka mbetur pak kohë për t’u përgatitur për ndeshjen e së shtunës në Premierligë, raporton Gazeta Express.

Pasi luajti për Portugalinë dhe i shënoi dy gola në fitoren 2:1 kundër Republikës së Irlandës më 1 shtator, Ronaldo u rikthye në Britani të Madhe,  por u përball me pesë ditë izolim në shtëpinë e vet në Cheshire, për shkak të protokollit të Covid-19.

Kjo nënkupton se ai e ka vetëm një ditë për t’u stërvitur me bashkëlojtarët e rinj para ndeshjes së fundjavës.

Si pasojë, sipas mediave në Angli trajneri i Unitedit Ole Gunnar Solskjaer do ta lërë Ronaldon në bankë të shtunën.

Sipas The Sun, superylli portugez do ta nisë nga stoli ndeshjen kundër Newcastle të shtunën në orën 16:00, por ai pritet ta bëjë debutimin e dytë për djajtë e kuq kah mesi i pjesës së dytë.