Rooney, prapë rezervist në Premierligë

Prishtinë | 27 Sht 2016 | 18:57 | Nga

Wayne Rooney nuk do të rikthehet në formacionin bazë të Manchester Unitedit për duelin në shtëpi ndaj Stoke Cityt, të dielën.

“Sky Sports News” ka bërë të ditur se kapiteni i “Red Devils” do të jetë titullar në duelin ndaj ukrainasve të Zorya Luhansk në Europa League të enjten.

Por, ai do të rikthehet në bankën e rezervistëve në fundjavë. Ballafaqimi i xhiros së shkuar në Premierligë kundër Leicester Cityt ishte vetëm hera e tretë në katër sezone në Premierligë që Rooney e nisi një ndeshje nga banka e rezervistëve, duke u inkuadruar në lojë si rezervist në shtatë minutat e fundit.

Para ndeshjes, menaxheri i Manchester United, Jose Mourinho kishte thënë se kapiteni i Anglisë mund të jetë ndikuar nga kritikat për formën e dobët të shfaqur në periudhën e fundit.

Mirëpo, mbrojtësi Chris Smalling mbështeti Rooneyn duke thënë se sulmuesi vazhdon të jetë “futbollist kryesor” në Manchester United dhe Kombëtaren e Anglisë.

Fjalë Kryesore:

Të ngjashme