Sevilla e ka ndalur në barazim Barcelonën, të premten mbrëma në kuadër të xhiros së 30-të të La Ligas spanjolle. Ndeshja është mbyllur me rezultatin 0:0, ndërsa sulmet e vazhdueshme të Barcelonës nuk kanë rezultuar me gol.

Madje Sevilla ka lëshuar rast të mirë në minutat e fundit të ndeshjes, pasi në anën tjetër Luis Suarez gjuajti mbi portë.

Ky barazim do ta bëjë edhe më interesante garën për titull në Spanjë. Barcelona prinë në tabelë me 65 pikë, tri më tepër se Real Madridi. Por Reali ka një ndeshje më pak dhe në rast të fitores do të barazonte pikët me Barcelonën. Reali të dielën luan në udhëtim ndaj Real Sociedadit.