Shaqiri flet për ndeshjen që Liverpooli e luan në Beograd

Prishtinë | 25 Tet 2018 | 10:30 | Nga Ekonomia Online
Liverpooli natën e kaluar shënoi fitore të thellë prej 4:0 në ‘Anfield Road’ ndaj Crvena Zvezdës në fazën grupore të Ligës së Kampionëve, ndërsa Xherdan Shaqiri regjistroi një paraqitje të jashtëzakonshme, duke asistuar edhe te goli i dytë i ndeshjes i shënuar nga Mohamed Salah.
26 vjeçari nga Zhegra, për paraqitjen ndaj Crvena Zvezdës është vlerësuar lartë nga shtypi anglez, e po ashtu edhe nga trajneri i Liverpoolit, Jurgen Klopp.

E rreth kësaj paraqitje dhe ndeshjes së kthimit me Crvena Zvezdën në Beograd, ka folur edhe Xherdan Shaqiri.

Ylli i Liverpoolit ka thënë se se është dijeni për shkrimet e disa medieve për atë që e pret në ‘Marakana’ nga tifozët, por se ky është i interesuar vetëm për futboll, edhe pse nuk hezitoi të cek se me tifozët serbë është marrë edhe në Kupën e Botës.

“Nuk kam frikë”, ka deklaruar fillimisht Shaqiri pas ndeshjes, përcjell ‘lajmi.net’.

“Unë kam parë disa artikuj në lidhje me këtë temë. Një lojtar ka thënë diçka në lidhje me këtë, por më të vërtetë mua nuk më intereson se çfarë thonë njerëzit”.

“Unë po shkoj atje për të luajtur futboll dhe nuk ka të bëjë fare me politikën. Asgjë tjetër nuk më intereson, unë po shkoj atje për ndeshje futbolli”, ka shtuar Shaqiri, që tutje komentoi edhe fishkëllimat e tifozëve të Crvena Zvezdës, të njohur me emrin ‘Delia’.

“Më ka ndodhur edhe në Kupën e Botës, por nuk paraqet asnjë problem”.

Fjalë Kryesore:

Të ngjashme