Shefi i futbollit në UEFA, Zvonimir Boban, nesër do ta vizitojë Kosovën.

Federata e Futbollit të Kosovës ka njoftuar se Zvonimir Boban të mërkurën do të takohet fillimisht me Ministrin e Kulturës, Rinisë dhe Sportit, Hajrulla Çeku, transmeton Klan Kosova.

Më pas shefi i futbollit në UEFA, do të pritet në takim edhe nga kryetari i komunës së Prishtinës, Përparim Rama.

Boban do të takohet edhe me komitetin ekzekutiv në selinë e FFK-së, për të vazhduar me një konferencë për media e cila do ë zhvillohet në stadiumin “Fadil Vokrri”, prej orës 15:00.

Vizita e shefit të futbollit realizohet vetëm pak ditë pasi në Kosovë ka qëndruar edhe Presidenti i FIFA-së, Gianni Infantino.