Kapiteni i Paris Saint Germainit dhe Përfaqësueses së Brazilit, Thiago Silva, ka folur për të ardhmen e tij para fillimit të Kampionatit Botëror.

Mbrojtësi ka thënë se ende nuk ka vendosur, por se do i pëlqente të mbyllte karrierën te Milani.

“Milani është gjithmonë në zemrën tim. Jam tifoz i tyre”.

“Do ktheheni në Milano? Nuk është kurrë e lehtë të flasësh për të ardhmen në futboll. ‘Kurrë mos thuaj kurrë’, çdo gjë është e mundur”.

“Të kthehesha aty për të mbyllur karrierën time do ishte një gjë e bukur”, ka thënë Silva për Gazetta dello Sport.

Kuqezinjtë po kalojnë në një periudhë të vështirë dhe përvoja e Silvas do të ishte shumë e nevojshme për skuadrën e Gennaro Gattuso.

Por, duke parë problemet e klubit italian me Fair Playn Financiar vështirë se do realizohet ky transferim.