Sot do të zhvillohen gjysmëfinalet e “Play Off-it” në Superligën e Kosovës në basketboll

Prishtinë | 25 Pri 2021 | 12:11 | Nga Ekonomia Online

Sot do të zhvillohen ndeshjet e para gjysmëfinale në “play-off” të FIVE STAR Superligës së Kosovës në basketboll, ku priten ndeshjen shumë interesante.

Ponte Prizreni që u rendit në vendin e parë do të përballet me Pejën, e cila mposhti Sigal Prishtinën në çerekfinale të “Play Off-it”.

Prizrenasit kanë synime të mëdha në këtë edicion dhe sigurisht se synojnë të nisin me fitore garat në gjysmëfinale, derisa pejanët pasi arritën në finale të Ligës Unike, shpresojnë të fitojnë një trofe në këtë edicion, me në krye Dardan Berishën dhe Lis Shoshin, pa harruar edhe qendrën fantastike Brandon Walters i cili po tregon formë fantastike këtë sezon.

Golden Eagle Ylli që fitoi Ligën Unike është motivuar që të fitojë edhe Superligën, por nuk do ta ketë lehtë, pasi përballet me Rahovecin, që përfundoi garat në vendin e dytë.

Ndërsa, vreshtarët kanë fituar të gjitha katër takimet në elitë mes tyre, kurse një ndeshje për Kupë e kanë fituar therandasit. Ndeshjet mes këtyre dy skuadrave kanë qenë shumë interesante në vitet e fundit dhe kështu pritet të jetë edhe në gjysmëfinale.

Skuadra që shënon tri fitore do të kualifikohet në finale e madhe.

Orari i ndeshjeve gjysmëfinale të “Play Off”

E diel

Rahoveci – Golden Eagle Ylli, ora: 17:00

Ponte Prizreni – Peja, ora: 20:15.

Fjalë Kryesore:

Të ngjashme