Portugalia dhe Holanda përballen këtë të diel në finalen e parë të edicionit inaugurues të Ligës së Kombeve, një format i ri i UEFA-s që ka mbërritur në ndeshjen e fundit mes prestigjit dhe milionave. Cristiano Ronaldo, idhulli i shtëpisë do të synojë ti japë përfaqësueses një tjetër trofe pas fronit europian në 2016 por talentet në kampin e tulipanëve janë të paparashikueshëm.Një fitore potenciale të dielën në mbrëmje në Estadio do Dragao do ti jepte Holandës më në fund pak kënaqësi, pas dështimit për të hyrë në finalet e dy turneve madhorë, europianit e botërorit. Pika më e fortë e portokallinjve është mbrojtja, madje lkideri i prapavijës, Van Dajk nuk ka lejuar askënd që ta driblojë në më shumë se 60 ndeshje radhazi.
Finalja e cila do të luhet në Porto, nuk do të ketë mbrojtësin veteran të Portugalisë, Pepe që pësoi frakturë në shpatull në suksesin me Zvicrën.
Fituesi i kopmpeticionit të parë të këtij lloji nga ana e UEFA-s, do të marrë thuajse 11 milionë Euro ndërsa finalja do të drejtohet nga arbitri spanjoll Alberto Undiano Majenco. Më herët të dielën, Anglia dhe Zvicra luajnë mes tyre për vendin e tretë./tch/