Sot zhvillohet ndeshja finale e Kupës së Kosovës

Prishtinë | 31 Maj 2017 | 09:34 | Nga

Sot (e mërkurë, 31 maj) nga ora 16:30 në stadiumin “Riza Lushta” në Mitrovicë, zhvillohet ndeshja finale e Digitalb Kupës së Kosovës, ndërmjet Llapit dhe Besës.

Padyshim se e gjithë vëmendja e futbolldashësve të Kosovës do të jetë e përqendruar te kjo finale.

Triumfi është shumë i rëndësishëm për Llapin, prandaj lojtarët janë të përgatitur maksimalisht për këtë përballje, duke qenë se triumfi eventual e dërgon në kualifikime për Europa League.

Nga ana tjetër, nëse fiton skuadra nga Peja, atëherë sa i përket Evropës, do t’i bëjë shërbim nënkampionit Prishtina që do të luante në kualifikimet e Ligës së Evropës, pasi që Besa nuk është licencuar.

Njëherësh sot zhvillohet edhe finalja e Kupës në konkurrencën e femrave, ku do të përballen Hajvalia dhe Kosova e Prishtinës nga ora 13:00.

Fjalë Kryesore:

Të ngjashme