Stadiumi i ri i Tottenhamit, që ka kushtuar rreth 1.15 miliardë euro, ka marrë edhe një goditje tjetër, pasi që është lënë shumë pak hapësirë për të bërë goditjet këndore.

Gabimi është zbuluar nga punëtorët që kanë kuptuar se hapësira është shumë e vogël për të bërë ekzekutimin si duhet të kornerit, shkruan sot Koha Ditore.

Imazhet e siguruara nga “The Sun on Sunday” tregojnë se ka vetëm diku gjysmë metri hapësirë prapa flamurit të kornerit para se fusha të shkojë teposhtë për te reklamat.

Në fushat e tjera të Premier Leagues, si ajo në stadiumin “Old Trafford” të Manchester Unitedit, ka dyfish më tepër hapësirë për ekzekutim të kornerëve.