Sulmuesi Serb, Aleksandar Mitrovic, ua ka parashtruar pyetjen futbollistëve shqiptarë të Zvicrës se pse nuk luajnë për Kosovën, pasi që janë aq patriotë.

Reagimi i tij vjen pas disa paraqitjeve patriotike të yjeve si Xherdan Shaqiri dhe Valon Behrami, përcjell Klan Kosova.

Përderisa i pari ka flamurin e Kosovës në njërën prej takave të tij të futbollit, ky i fundit ka po këtë flamur tatuazh në trup.

“Nëse janë kaq patriotë, pse nuk luajnë për vendin e vet në vend se të luajnë për Zvicrën?”, ka pyetur sulmuesi Aleksandar Mitroviq, sipas një artikulli të publikuar nga Fox News.