Superliga me disa derbi

Basic RGB
Prishtinë | 06 Shk 2020 | 13:32 | Nga Ekonomia Online

Java e 25-të e Superligës së Kosovës në basketboll do të sjellë shumë ndeshje interesante.

Takimi i parë do të jetë ndërmjet Ponte Prizrenit dhe Golden Eagle Yllit, vendit të tretë, përkatësisht të katërt. Prizreni ka 13 fitore dhe nëntë humbje, derisa Ylli 15 fitore dhe gjashtë humbje, ku nuk ka pësuar asnjë humbje në stinorin pranveror.

Të premten në mbrëmje do të përballen rivalët e vjetër, Sigal Prishtina dhe Trepça. Prishtinasit nga 21 ndeshje kanë 16 fitore dhe pesë humbje, kurse mitrovicasit pesë fitore dhe 16 humbje.

Ndeshje interesante pritet të jetë edhe ajo ndërmjet Feronikelit dhe Lipjanit. Skuadra nga Drenasi ka pesë fitore dhe 16 humbje, aq sa Trepça dhe ka synim të jetë pjesë e elitës, kurse lipjanasit kanë një fitore dhe 21 humbje.

Java e 25-të do të përmbyllet me derbin ndërmjet Pejës dhe Bashkimit. Peja ka 12 fitore dhe nëntë humbje, kurse Bashkimi 13 fitore dhe nëntë humbje. Të dy skuadrat shpresojnë të përmbyllin kampionatin sa më lartë.

Rahoveci pushon në këtë xhiro.

Takimet zhvillohen të premten dhe të shtunën, për shkak se të martën fillon Final 8.

Të gjitha ndeshjet do të transmetohen në Art Motion.

Superliga – Java 25

E premte

17:00 Ponte Prizreni – Golden Eagle Ylli

19:00 Sigal Prishtina – Trepça

E shtunë

17:00 Feronikeli – Lipjani

19:00 Peja – Bashkimi

Të ngjashme