Me këtë rast kryetari i Komunës u tha futbollistëve se do ta kenë mbështetjen e pushtetit lokal me të gjitha mundësitë që janë në dispozicion, për krijimin e kushteve sa më të mira për punë dhe stërvitje.

Ai gjithashtu kërkoi nga kryesia, shtabi i klubit dhe futbollistët, angazhim dhe seriozitet, në kohën kur vendit tonë i janë hapur mundësitë garuese edhe në arenën ndërkombëtare, ndërsa konkurrenca, nuk është më vetëm e brendshme.

Kryetari i kryesisë së KF Ferizaj, Ekrem Mustafa, u zotua për punë me përgjegjësi dhe përpjekje maksimale të të gjithë anëtarëve të klubit, për rezultate sa më të mira në vijim.