Ekipi U-21 i Shakhtar Donetskut nga Ukraina është treguar i fortë për ekipet elitare të Superligës kosovare, dhe për Përfaqësuesen U-19 të Kosovës, në Antalya të Turqisë, shkruan Koha Ditore.

Brenda një jave, ekipi i të rinjve të gjigantit ukrainas, Shakhtar, ka regjistruar tri fitore në po aq përballje me ekipet kosovare: Kosovën U-19, Llapin dhe Prishtinën.

Ndaj Prishtinës, të hënën, Shakhtari U-21 triumfoi me shifrat 2:1, falë golave të gjeorgjianit Giorgi Arabidze (5′, 48′) që edhe ishte lojtari më i mirë i ndeshjes.

Në anën tjetër golin e vetëm për bardhekaltrit e shënoi sulmuesi Ahmed Januzi me një goditje të fortë prej 20 metrave, pasi u shërbye nga mesfushori Drashko Bozhoviq.