Tifozët kanë votuar se si ata duan që sezoni i sezonit të Premier League të vendoset dhe shumica dëshirojnë që ai të shpallet ‘i pavlefshëm’.

Sezoni aktual i Ligës Premier është shtyrë deri së paku më 4 prill për shkak të pandemisë botërore COVID 19/coronavirus.

Aktualisht nuk ka asnjë protokoll që Liga Premier të ndjekë në këtë situatë dhe shumë kanë spekuluar se si do të vendoset liga.

Disa thonë që sezoni të ndërpritet dhe të shpallet i pavlefshëm, disa tjerë thonë se Liverpooli duhet të shpallet kampion e disa tjerë të vazhdojë pas disa muajve.

Sidoqoftë, një sondazh i Sky Sports News ka zbuluar se si mbi 250 mijë tifozë anglezë duan që ky sezon të vendoset.

Plot 51.5% e tifozëve dëshirojnë që sezoni të shpallet i pavlefshëm dhe të mos figurojë në librat e rekordeve.

27.5% dëshirojnë që tabela e tanishme të shpallet përfundimtare, ndërsa 21.1% duan që liderët aktualë të Liverpoolit t’iu jepet titulli dhe asnjë skuadër të mos bie nga kategoria.

Suspendimi dhe anulimi i sezonit do të ishte jo i ndershëm për ekipin e Jurgen Kloppit.

Kjo pasi ata aktualisht janë dy fitore larg titullit të parë të tyre në Ligën Premier pas 30 viteve, ndërsa kanë një epërsi prej 25 pikëve ndaj vendit të dytë Manchester City.