Të martën në mbrëmje, tifozët e Chelseat protestuan afër “Stamford Bridge” pasi klubi i tyre u bashkua me Superligën Evropiane.

Blutë janë një nga 12 anëtarët themelues të këtij turneu, dhe pjesë e ‘gjashtë të mëdhenjve’ të Ligës Premier.

Para ndeshjes ku Chelsea luan kundër Brighton, tifozët e klubit ua bënë të qartë se ata ishin kundër Superligës Evropiane.

Qindra njerëz u mblodhën jashtë Stamford Bridge ku pati edhe një konfrontim afër hyrjes së stadiumit ku u paraqit legjenda e klubit, Petr Cech.

Ai në fakt iu desh të luste tifozët që të linin autobusin e ekipit të hynte në stadiumin, pasi ata kishin bllokuar rrugët.

“Lërini njerëzit që ta zgjidhin këtë, kjo nuk është gjëja e duhur. ​​Lërini njerëzit të futen brenda. Lërini autobusin të hyjë brenda. Jepni kohë njerëzve”, u ka thënë ish portieri tifozëve të mbledhur.

Duket se shumë nuk e prisnin një reagim kaq ekstrem nga tifozët në përgjigje të krijimit të Superligës Evropiane.

Petr cech asking Chelsea fans to let the Chelsea and Brighton busses into the stadium 😳pic.twitter.com/kxFkPp4bgC

— Caleb . (@Caleb_Mufc) April 20, 2021