Trajneri i Argjentinës, Lionel Scaloni është përfshirë në një aksident rrugor në Spanjë.
Mediat spanjolle dhe ato argjentinase raportuan se Scaloni u godit nga një veturë, teksa ishte duke ngasur biçikletën e tij në ishullin e Mallorcas.
Por, gjendja e 40-vjeçarit nuk duket të jetë aq serioze sa që u frikësua në fillim.
Pas raportimeve se ishte në spital për shkak të lëndimeve të rënda, mësohet se Scaloni është lëshuar nga spitali dhe tashmë ndodhet në shtëpinë e tij.
Këtë e ka bërë të ditur edhe Federata e Futbollit të Argjentinës, përmes një njoftimi në faqen zyrtare.