Tri klube angleze në garë për Coutinhon

Prishtinë | 13 Qer 2021 | 13:01 | Nga Ekonomia Online

Arsenali, Tottenham Hotspu dhe Leicester City janë në kontakt me mesfushorin e Barcelonës, Philippe Coutinho, për një kthim të tij në Ligën Premier.

Coutinho pritet të largohet nga Barcelona pasi nuk ka arritur ta gjej assesi formën dhe destinacioni i tij i radhës pritet të jetë përsër kampionati anglez.

Sipas gazetës Sport, agjenti i Coutinhos, Kia Joorabchian ka qenë në kontakt me çdo skuadër të Ligë Premier për një huazim të thjeshtë ose një huazim me mundësi blerje.

Disa klube e kanë refuzuar këtë mundësi, duke përfshirë Manchester Unitedin, Manchester Cityn dhe Chelsean, megjithëse të tjerët e kanë lënë derën hapur.

Tottenham dhe Leicester janë dy klube të etura për transferimin e Coutinhos, së bashku me Arsenalin.

Spurs dhe Leicester janë kualifikuar për në Ligën e Evropës sezonin e ardhshëm, ndërsa Arsenali nuk mund t’i ofrojë të njëjtin futboll evropian ish-yllit të Liverpoolit. 



Të ngjashme