Nga asnjë mundësi në pothuajse mision të pamundur. Qëndrimi i trajnerit Thomas Tuchel për shpresat e Chelseat për të avancuar në gjysmëfinalet e Ligës së Kampionëve mund të zbutet, qoftë edhe pak.

“Ka shumë pak gjasa që t’ia dalim”, tha Tuchel të hënën në konferencë. “Por, ia vlen të provohet”.

U kthye në javën e kaluar dhe Tuchel hodhi poshtë shanset e ekipit të tij për të përmbysur një humbje 3:1 ndaj Real Madridit në ndeshjen e parë të çerekfinaleve që u luajt në stadiumin “Stamford Bridge”.

“Jo”, ishte përgjigjja e tij e shkurtër ndaj një pyetjeje nëse gjasat e Chelseat janë ende gjallë për ta mbrojtur titullin e kampionit të Evropës.

Dhe megjithëse kjo përgjigje – e ardhur vetëm pak minuta pas përfundimit të ndeshjes – mund të kishte ardhur nga një ndjenjë zhgënjimi, që është e lehtë të shihet pse ai ishte kaq pesimist duke shikuar drejt ndeshjes së kthimit që luhet të martën mbrëma në stadiumin “Santiago Bernabeu”. Përveç deficitit prej dy golave ​​dhe kundërshtarit që është një kampion i Evropës me 13 tituj të fituar, Tuchel vuri në dukje se avantazhi kryesor i Chelseat ndaj Madridit – përgatitja fizike dhe energjia e lojtarëve të tij – është dobësuar këtë sezon. Kjo, për shkak se Chelsea ka luajtur tashmë 52 ndeshje në të gjitha garat, duke përfshirë një udhëtim në Lindjen e Mesme për Botërorin e klubeve në muajin shkurt dhe 30 ndeshje në atë që Tuchel e përshkroi si ligën vendëse “më kërkuese” në botë. Real Madridi ka luajtur shtatë ndeshje më pak këtë sezon dhe ishte në gjendje të pushonte lojtarët kryesorë, si Luka Modric dhe Toni Kroos, për fitoren 2:0 ndaj Getafes në La Liga të shtunën. Tuchel tha gjithashtu se Reali duke qenë në gjendje të bëjë pesë zëvendësime në ndeshjet kampionale këtë sezon – në Angli, skuadrat mund të bëjnë vetëm tre – e la ekipin e tij në një “disvantazh të madh” dhe shpjegoi pse Chelsea nuk mund të luante me intensitetin e zakonshëm kundër mesfushës së plakur të Madridit, por me cilësi të larta në ndeshjen e parë. Sezonin e kaluar, Chelsea eliminoi Madridin në gjysmëfinale të Championsit, duke barazuar në ndeshjen e parë në Spanjë dhe duke fituar ndeshjen e dytë 2:0 në Londër.

“Nuk është gjithmonë e lehtë të luash një lojë fizike. Ne jemi një ekip që ka nevojë për përgatitjen fizike, mprehtësinë, përkushtimin dhe investimin për të qenë një ekip i veçantë”, pranoi Tuchel. “Nuk mund ta zbatonim atë në ndeshjen e fundit. Kjo ishte edhe për shkak të cilësisë dhe kapacitetit të tyre për të ngadalësuar lojën dhe për të kontrolluar ndeshjen përmes posedimit të topit”.

Megjithatë, Liga e Kampionëve ka dëshmuar disa kthime të jashtëzakonshme në fazën eliminatore gjatë viteve të fundit. Kush do ta harrojë ndonjëherë Barcelonën duke u rikuperuar nga një humbje 4:0 në ndeshjen e parë kundër Paris Saint-Germainit për të kaluar në çerekfinale në vitin 2017? Apo Liverpooli që e mundi Barcelonën 4:0, pasi humbi ndeshjen e parë 3:0 në gjysmëfinalen e vitit 2019? Tuchel mund të dëshirojë të frymëzohet nga një rikthim i arritur në “Santiago Bernabeu” gjashtë vjet më parë, ku përfshihej një nga lojtarët e tij. Mateo Kovaçiq kujtoi të hënën se si skuadra madrilene për të cilën luajti në vitin 2016 humbi 2:0 ndaj Wolfsburgut në ndeshjen e parë çerekfinale dhe e fitoi ndeshjen e dytë me shifrat 3:0. Chelsea, theksoi Kovaçiq se më parë është rikthyer nga humbja 3:1 në ndeshjen e parë për t’u avancuar në rundet e tjera eliminatore të Ligës së Kampionëve. Kjo ishte në vitin 2012 – viti kur klubi londinez fitoi këtë garë për herë të parë – kur mposhti Napolin 4:1 në ndeshjen e dytë në 1/8 e finales.

“Futbolli është gjithmonë befasues”, tha mesfushori kroat.

Ai dukej më i bindur se Tuchel, megjithatë, me trajnerin gjerman që e quajti detyrën e Chelseat “një nga sfidat më të mëdha” në futboll dhe “pothuajse të pamundur”.

“Por ju lejohet gjithmonë të ëndërroni”, tha ai.

Cesar Azpilicueta është sërish në dispozicion të Tuchelit për këtë ndeshje pas testimit negativ për koronavirus, por Romelu Lukaku nuk do të jetë fare pjesë e ekipit ndaj Realit për shkak të lëndimit të këmbës.