Manchester Unitedi ka kthyer sytë nga portieri francez Hugo Lloris, të cilin po synon ta transferojë në fund të këtij sezoni, kanë raportuar të martën mediumet e huaja.

Lloris është pjesë e Tottenhamit dhe me ekipin nga Londra ka kontratë deri vitin tjetër.

Te Unitedi, janë të bindur se mund të sigurojnë shërbimet e Llorisit për dhjetë milionë euro. 34-vjeçari është kapiten i Tottenhamit, kurse më herët ka paralajmëruar largimin nga ekipi pasi nuk i është ofruar rinovimi i kontratës. Lloris është në futbollin anglez prej vitit 2012 kur iu bashkua Tottenhamit nga Lyoni, kurse te Manchester Unitedi po e shohin si të duhurin për ta zëvendësuar David De Gean, i cili pritet të largohet në verë nga “Old Traffordi”.

Lloris këtë edicion ka 38 paraqitje për Tottenhamin në të gjitha garat.