Vidhet trofeu i “Tour de France” gjatë një ekspozite në Angli

Prishtinë | 10 Tet 2018 | 13:28 | Nga Ekonomia Online

Trofeu i fituar nga Geraint Thomas në Turin e Francës së këtij viti është grabitur. Lajmi u konfirmua nga vet skuadra e tij “Team Sky”, nëpërmjet një komunikate për shtyp në faqen e tij të internetit.

Trofeu u ekspozua në “Cycle Shoë” të mbajtur në Birmingham, së bashku me trofetë e Xhiros së Italisë 2018 dhe Turit të Spanjës të vitit 2017.

Në komunikatë, “Team Sky” theksonte se policia u njoftua për këtë grabitje, me këtë të fundit që nisi hetimet në kërkim të trofeut të “Grand Boucle” të këtij viti.

Vet Geraint Thomas ka reaguar pas kësaj ngjarjeje, duke theksuar se është një episod aspak i këndshëm, transmeton tch.

“Trofeu ka një vlerë të kufizuar, por një domethënie të madhe për mua dhe skuadrën”, deklaroi Thomas.

“Shpresoj që grabitësi ta rikthejë. Trofeu është i rëndësishëm, por ato që kanë më shumë rëndësi janë kujtimet e kësaj vere të pabesueshme dhe ato askush nuk mund t’i grabisë”, shtoi më tej ai.

Fjalë Kryesore:

Të ngjashme