Xavi e konfirmon, tre lojtarë të tjerë rezultojnë pozitivë me Covid-19

Prishtinë | 01 Jan 2022 | 19:44 | Nga Ekonomia Online

Pas një kampanje të deritanishme me raste të shumta të lëndimeve, pandemia Covid-19 ka goditur edhe gjigandin katalunas Barcelona.

Trajneri i kësaj të fundit Xavi Hernandez e ka konfirmuar që nuk do të mund të llogarisë në shërbimet e Philippe Coutinhos, Sergino Dest dhe Ez Abdes për ndeshjen e ardhshme kundër Mallorcas.

Si qëndrojnë gjërat, 10 lojtarë të Barcelonës janë tani në vet-izolim, duke përfshirë këtu Dest, Umtiti, Jordi Alba, Gavi dhe Ousmane Dembele.

“Sergino Dest, Coutinho dhe Ez Abde janë pozitivë me Covid-19. Lojtarët janë në gjendje të mirë shëndetësore dhe janë në vet-izolim në shtëpitë e tyre. Klubi i ka raportuar rastet tek autoritetet relevante”, shkruante në postimin e Barcelonës në “Twitter”.

Fjalë Kryesore:

Të ngjashme