Arsenali është nikoqir i Leicester City, i vetëdijshëm se çfarëdo lëshimi ndaj rivalit për një vend në Evropë do t’ia pakësojë tej mase gjasat për ta arritur këtë synim.

Topçinjtë i presin dhelprat në stadiumin Emirates, për ndeshjen e javës së 34-të që nis në orën 21:15.

Skuadra e Mikel Artetës është në formë të mirë, sepse i ka fituar tri ndeshjet e fundit në Premierligë, por ende ngel gjashtë pikë larg vendit të pestë, Manchester United, dhe nëntë pikë lart Leicesterit që renditet i katërti.

Leicesteri, ndërkohë, synon ta kthehet në pozitën e tretë me një fitore ndaj Arsenalit, në përpjekje për ta siguruar një vend në Ligën e Kampionëve sezonin e ardhshëm.