Xhemaili kthehet te Zuerichu

Prishtinë | 15 Dhj 2020 | 15:58 | Nga Ekonomia Online

Ish-mesfushori i Përfaqësueses së Zvicrës, Blerim Xhemaili, karrierën do ta vazhdoj te klubi ku u formua si lojtar, Zuerichu.

Gazeta zvicerane “Blick” ka shkruar të martën se Xhemaili për pjesën e dytë të këtij edicioni do të jetë pjesë e Zuerichut, pasi tashmë ka arritur marrëveshjen. Marrëveshja mund të zyrtarizohet ditëve në vijim.

34-vjeçari te Zuerichu do të transferohet si futbollist i lirë pasi muaj më parë ka shkëputur kontratën me ekipin e Superligës së Kinës, Shenzhen, për të cilin nuk regjistroi asnjë paraqitje. Xhemaili do të jetë një përforcim i madh për skuadrën e Zuerchut, që këtë edicion po lufton për titullin e kampionit. Ai do të rikthehet te Zuerichu pas 13 vjetësh. Me këtë ekip i kishte fituar dy tituj kampioni dhe një kupë të Zvicrës. Xhemaili u pat larguar nga Zuerichu në vitin 2007 kurse karrierë të suksesshme ka bërë te Boltoni, Torino, Parma, Napoli, Galatasaray, Genoa, Bologna e Montreal Impact.

Ai ka edhe 11 gola në 69 paraqitje për Zvicrën.

Te Zuerichu luajnë Benjamin Kololli, Hekuran Kryeziu, Fidan Aliti, Toni Domgjoni e Mirlind Kryeziu.

Fjalë Kryesore:

Të ngjashme