Zeneli operohet me sukses

Prishtinë | 02 Tet 2017 | 12:12 | Nga

Sulmuesi i jashtëzakonshëm nga Kosova, Arber Zeneli ka kryer një operim pas lëndimit të pësuar.

Zeneli u lëndua në stërvitje dhe pritet të mungojë për disa javë skuadrës së tij Heerenveen.

22-vjeçari humbi ndeshjen me Ajaxin në kampionat dhe dy sfidat me Kosovën ndaj Ukrainës dhe Islandës.

Ai ka postuar një foto në profilin e tij në Instagram ku ka treguar se operimi është kryer me sukses.

“Operimi shkoi mirë dhe tani unë do të pushoj. Pastaj puna e vështirë do të më kthej në rrugën e duhur”.

“Me të vërtetë dua të ju falënderoj të gjithëve për mesazhet e juaja që do të thonë shumë për mua”, shkroi Zeneli.

Ende nuk është konfirmuar se sa gjatë do të mungoj reprezentuesi i Kosovës.

Kujtojmë që Zeneli ishte duke kaluar nëpër një formë të jashtëzakonshme duke shënuar katër gola gjatë muajit të fundit.

Fjalë Kryesore:

Të ngjashme